Hier lor saabbe gouzari ti ena beaucoup Ulama. mais normalement pa abitue sa.

Question ID: 
1164
A.R*** asks:

Question

Aslm Mufti... Hier lor saabbe gouzari ti ena beaucoup Ulama. mais normalement pa abitue sa. zot ine vini juste acuz M.Fazoul Rahman ine vini. B mo penC li malhontennet de zot par... Paski zot ine vini acuz Maulana pa acuz ALlah... Geut ene cout si ou kpv fer 1 phanfet lor la. Lor sincerity bane ulama dan tabligh. Tou sa bane alim la 1 ghust, 1 talim,,1 moulakat zot pa fer. mais kan maulana vini Allahou Akbar place pena. couma maulana ine aller lor markaz hier tou parking lecole markaz ine liberer. Pense lor la ggn peur Allah..

Answer

Wa alaikumus salaam.

D'abord nous remarqué ki différent question pe vine de la part de différent personne, mais nous ena raison croire ki c'est ene seule personne ki pe pose tous sa banne question la lor différent nom, et pourtant zotte pas appelle sa nom la, sa ki appelle malhonnête.

Sa banne Ulama la en réalité zotte zeleves pou Maulana Fazlur Rahmaan (Daamat barakaatuhum) Ene zeleve li alle écoute so oustaad sa aussi ene ibaadat sa. Mais pou comprend sa kitsoz la, bizin apprane dans madrassah, mais malheureusement ou pas content madrassah.

Laisse mo dire ou ki ou couma ene poisson ki pe envie nage en dehors de l'eau. Pena narien appart la mort ki pe atanne ou. Retire l'enemité de Ulama depi dans ou le cœur, li bien cancéreux sa.

Pas prend sa comme ene malédiction, mais prend sa comme ene mise en garde et ene avertissement de la part ene médecin.

Nous pas reste loin nous reste bien près. Ou capave vine zoine nous, sa li pou pli bon pou ou.

N.B. La personne ki fine envoye sa question la fine faire malhonnête. Li fine envoye sa question la lor ene lot dimoune so nom ki nous sure et certain ki sa dimoune la pas pou pose ene question pareil. Akoze sa nous fine modifié nom la.