Inheritance

Question ID: 
2124
abd***@outlook.com asks:

Question

Assalaamou alaikoum warahmatullaahi wa barakaatuhu
Très Ulama kiraam, mo ena ene question concernant l’héritage et mo bizin ene eclairesissement lor la d’après Shariat.
Ene personne fine intekaal et li ti kit comme heritier deriere li 2 garcons et 2 fille et ene madame veuve.La dans ene heritier (garçon) ki ti dans pays etrangers aussi fine intekaal après la mort de so papa.
Comme héritage missier la fine kit ene terrain avec so la kaz ground floor lor la seulement ki ene valeur environ 4 à 5 millions et rien d’autre.
Madame de sa missier ki fine intekaal la (c’est à dire mama banne enfants héritiers) fine décide pou fer part, alors li fine décide pou donne ene seule garçon la kaz et la terre. (Sa garcon la li dire ki li fine mette l’argent dans construction sa la kaz la alors li mérite gagne sa pou li seulement dans l’héritage). Mama la pou compense so banne les autre enfants li pou divise ene terrain ki li li posséder, ki so valeur li environ ene million entre le reste enfants.
Mo question c’est eski sa façon partage la li légale d’après shariat ? Mo ti a content coner ki vrais façon pou fer sa partage la d’après shariat ? Si sa li pas d’après shariat et banne les autre heritiers pas d’accord lor sa partage la eski pou ena conséquence dans aakhirat pou sa ?
Si ou bizin plis renseignement lor sa sujet la alors ou capave sonne moi lor sa numero la 5………
JazakAllahu Khaiyr

Answer

Wa alaikumus Salaam Warahmatullaahi wabarakaatuh

L'héritage c'est ça du bien ki ene dimoune quitté après so la mort. En principe banne ki ena part dans ça l'héritage-là, c'est la personne so missié/madame, so zenfants et so mama papa. Sa banne du bien là automatiquement zotte vine pou sa banne héritiers-la avant même faire la partage. Sa la partage la pou bizin être exécuté au plus vite possible après avoir faire sa mayyit la so banne dépenses funérailles sans faire exagération, rembourse so banne dette et si li fine faire ene testament alors dans ce cas tous so banne vœux ki permissible ki li fine faire dans sa testament-là pou bizin être accompli, mais sa bizin pas dépasse plus ki ene tiers de total montant ki sa mayyit la fine quitté comme héritage.

Après ki fine considère sa banne points mentionné la-haut-là, sa héritage-là pou être effectué dans sa façon suivant-la:

1. Mayyit la so madame pou gagne 1/8 = 6/48 (12.5 %)

2. Premier garçon 7/24 = 14/48 ( 29.16%)

3. Deuxième garçon 7/24 = 14/48 (29.16%)

4. Premier tifi 7/48 (14.58%)

5. Deuxième tifi 7/48 (14.58%)

Note important:
1. Mama li gagne ene huitième si li ena zenfant. (Surah Nisaa, Verset 12)
2. Garçon so part li doublé d’après Shariat. Donc chaque garçon pou gagne deux parts et chaque tifi ene part de saki resté quand fini donne mama la so part. (Surah Nisaa, Verset 11)
3. Si mayyit la so ene parent ou bien tous les deux parents ti encore vivant alors pou bizin inclure zotte aussi dans la liste héritier. (Surah Nisaa, Verset 11)
4. Le fait ki sa garçon-la fine mort après so papa alors li aussi li pou ena so droit dans l’héritage. Donc so banne héritiers ki ti présent dans sa moment-là aussi mérité gagne zotte part depi so l’héritage.
5. Sa l’argent ki sa garçon vivant la fine metté dans construction la, li ti mette sa quand papa la ti encore vivant. Et papa la ki ti Propriétaire. Dans sa cas la pou ena deux possibilités.

(A) Soit li fine donne sa comme ene prêt, et li réussi prouve sa transaction la, lerla sa somme ki li fine prêter la pou être considéré comme ene dette lor papa la so la tête. Dans ça cas la pou bizin rembourse garçon là sa somme la avant faire la partage.

(B) Ou bien garçon la fine contribuer sa somme la de so côté dans ene façon bénévole dans so papa so propriété, dans ce cas li pou être considéré comme ene cadeau ki li fine offert à so papa. Donc li pas pou gagne droit réclame sa cadeau la après papa la so la mort.

Peut importe la situation, à aukene moment sa pas donne sa garçon vivant la droit pou hérite sa lakaz la et ni terrain la en entier parski Shariat fine donne tous banne lezotte héritiers aussi zotte droit dans sa l’héritage la.

6. Sa façon ki mama-la pe faire la partage la, li pas d’après façon ki Shariat fine préconisé surtout si banne lezotte héritiers pas pe d’accord. Dans sa façon faire la partage la li pe prive certaine banne héritier de zotte droit complètement et li pe aussi diminuer certaines héritier zotte quantité part ki zotte suposé gagner. Sa li injuste et pou ena compte à rendé jour qiyaamat pour banne injustice même si li envers nou propre enfants. Parski Allah Ta’ala fine dessane banne versets dans Qour’aan lors Nabi ‎(Sallallaahou A'laihi Wasallam)‎ pou mentionne chaque ene so droit dans l’héritage.
Dans Hadice aussi Nabi (Sallallaahu alaihi wassallam) fine donne banne avertissements bien sévère concernant banne ki prend la terre so prochain injustement.

Ene Hadice rapporté par Saeed bin Zaid (Radhiyallaahu anhu): Li dire ki Rasoolullah (Sallallaahu alaihi wassallam) fine dire : “ Celui ki prend ene empan (9 pouces) la terre injustement, le jour du qiyaamat pou attache tout les sept la terre dans so li cou" . (Mishkat 254/1 Qadeemi).

Ene lotte Hadice rapporté par Anas (Radhiyallaahu anhu): Li dire ki Rasoolullah (Sallallaahu alaihi wassallam) fine dire : “ Celui ki coupe l’héritage de so héritier, le jour du qiyaamat Allah Ta’aalaa pou coupe so l’héritage dépi dans Jannat ". (Ibne Maajah 266/1 Qadeemi)

Mama la malgré li ene héritier, Shariat pas fine donne li autorisation pou faire la partage couma li envie. Oui, dans (1/8) ki li pe gagner comme so part li capave faire saki li envie. Tanque a sa lotte boute terrain ki sa mama la pe donne sa deux tifi et sa garçon ki fine intekaal la, sa li pas forme partie de papa la so l’héritage sa. Alors sa mama la so terrain pas pou capave compense l’héritage papa là si banne lezotte heritiers pas daccord.

Ki Allah Ta’aala donne nous la compréhension de deen et la bonne volonté pou mette zotte en pratique.