Sitting in Taleem

Answer

Wa alikumussalaam wa Rahmatulaahi wa Barakaatuhu
عَنْ عَبْدِ اللَّهِ بْنِ عَمْرٍو، قَالَ: " خَرَجَ رَسُولُ اللَّهِ صَلَّى اللهُ عَلَيْهِ وَسَلَّمَ ذَاتَ يَوْمٍ مِنْ بَعْضِ حُجَرِهِ، فَدَخَلَ الْمَسْجِدَ، فَإِذَا هُوَ بِحَلْقَتَيْنِ، إِحْدَاهُمَا يَقْرَأُونَ الْقُرْآنَ، وَيَدْعُونَ اللَّهَ، وَالْأُخْرَى يَتَعَلَّمُونَ وَيُعَلِّمُونَ، فَقَالَ النَّبِيُّ صَلَّى اللهُ عَلَيْهِ وَسَلَّمَ: " كُلٌّ عَلَى خَيْرٍ، هَؤُلَاءِ يَقْرَأُونَ الْقُرْآنَ، وَيَدْعُونَ اللَّهَ، فَإِنْ شَاءَ أَعْطَاهُمْ، وَإِنْ شَاءَ مَنَعَهُمْ، وَهَؤُلَاءِ يَتَعَلَّمُونَ وَيُعَلِّمُونَ، وَإِنَّمَا بُعِثْتُ مُعَلِّمًا. فَجَلَسَ مَعَهُمْ"
Aparament c’est sa Hadeeth la ki ou pe faire reference. Sa Hadith la finne être mentionner dans Ibne Maajah. A noter ki sa Hadith la li ène Hadith ki qualifier comme faible, mais utilisable dans virtue action a cause banne les autre Hadith authentique et Ayat Quran suivant ki approuve so contenu.

لَقَدْ مَنَّ اللَّهُ عَلَى الْمُؤْمِنِينَ إِذْ بَعَثَ فِيهِمْ رَسُولًا مِنْ أَنْفُسِهِمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِنْ كَانُوا مِنْ قَبْلُ لَفِي ضَلَالٍ مُبِينٍ- آل عمران 164
Certainement Allah Ta’aalaa finne faire bonter lor banne Mu’min quand li finne envoye ène Prophète parmi zotte , (sa Prophète la) Li lire Allah so révélation lor zotte et Li purifier zotte et Li enseigne zotte Kitaab (Quran) et la sagesse.

عَنْ جَابِرِ بْنِ عَبْدِ اللهِ، عن رَسُولِ اللهِ صَلَّى اللهُ عَلَيْهِ وَسَلَّمَ قَالَ: إِنَّ اللهَ لَمْ يَبْعَثْنِي مُعَنِّتًا، وَلَا مُتَعَنِّتًا، وَلَكِنْ بَعَثَنِي مُعَلِّمًا مُيَسِّرًا- مسلم (1478)
Finne rapporté dépi le Prophète S.A.W ki "Allah Ta’aalaa pa finne envoye moi pou être rude et pou cause du tort (a quicaine) mais li finne envoye moi comme ène enseignant et pou ranne les choses faciles".

Maintenant pou repone a ou banne question. 01. Sa Hadith la li mentionne deux Halqas seulement. 02. ène Halqa ki engager dans Tilaawat Quran et Duah (c’est-à-dire banne action ki pe rapporte virtue mais pas connaissance) et l’autre Halqa li engager dans enseigne et acquérir connaissance. 03. Pena aukène mention ki Rasoolullah S.A.W fine ordonne le premier Halqa pou quitte zotte A’maal pou alle joine le deuxième ni mentionner ki Sahabas R.A finne faire li. Li paret ki Rasoolullah S.A.W finne assize dans Halqa de Ta’leem sans dérange l’autre groupe. A la fin de sa Hadith la mentionner ki Rasoolullah S.A.W finne assize dans Halqa de Ta’leem et Ta’alloum et Li finne aussi donne la raison de so préférence en disant « Mo finne être envoyer comme enseignant » pou montrer virtue et l’importance de l’éducation de Deen.
Dans plusieurs Hadith Rasoolullah S.A.W finne mentionne virtue de Tilaawat, Zikr et Duah etc..et So dévouement pou Ibaadat tel ki Tilawat, Zikr et Duah etc..li pas ène secret pou Ummat.
Sa faire nou comprend ki les deux ena so l’importance et place spéciale dans l’Islam. Mais quand l’opportunité de T’aaleem li apparaitre alors certainement sa li ena priorité, couma li clair par action de Rasoolullah S.A.W et So parole dans Hadith mentionner la haut.
Conseil générale : Participe dans banne Halqa de Ta’leem, c’est-à-dire la cote ou pe gagne connaissance, surtout dans banne programme ki banne Ulamas faire dans forme Bayan, classe Tajweed ou lesson lor banne sujet specifique couma Aqeeda, Fiqh (Masla), Tafseer ou Tazkiya Nafs. Et bien sûr Ta’leem de Fazaa’il ki Tabligh jamaat faire, sans ki ou néglige ou banne A’maal personnel ki ou finne mentionner là-haut. Faire en sorte ki ou sorte gagnant dans les deux côtes. Et aussi évite dénigrer ène action noble (Tilaawat, Zikr et Duah etc..) et évite alle dans extrême dans ce ki nous choisir pou faire dans sa deux-là, parce ki au plus aller donne priorité Halqa Ta’leem c’est ène Mustahab (action désirable) et non obligatoire.
WAllaahou Ta’aalaa A’lamou

Answered by:
(Mf) Uthmaan
For the Jamiatul Ulama of Mauritius